ఆగ్నేయాసియాలో ఒక అందమైన ప్రదేశం. ఇందులో ఎల్లప్పుడూ అందమైన బీచ్లు, దేవాలయాలు, నైట్ లైఫ్ జీవితం కోసం సౌకర్యాల ఏర్పాటు చేయడంతో ప్రపంచ నలుమూలల నుండి పర్యాటకులను ఆకర్షిస్తుంది. ఆగ్నేయాసియా అంటే ఆసియా ఖండంలోని ఆగ్నేయ భాగం. ఇందులో ఇండోనేషియా, థాయిలాండ్, ఫిలిప్పీన్స్, మలేషియా వంటి అనేక దేశాలు ఉన్నాయి. ఈ ప్రాంతం సాంస్కృతికంగా, ఆర్థికంగా వైవిధ్యభరితంగాను, అనేక ముఖ్యమైన అంతర్జాతీయ సంస్థలకు నిలయంగా ఉంటుంది. ఈ ప్రాంతంలో ఉన్న దేశాల సమూహాన్ని ఆగ్నేయాసియా దేశాల సంఘం (ASEAN) అంటారు. ఈ ప్రాంతంలోని ఓ దేశం ఒక ప్రత్యేకమైన సామాజిక ధోరణితో ఇటీవల ప్రపంచవ్యాప్తంగా అందరి దృష్టిని ఆకర్షించింది. ప్రకృతి సౌందర్యం, పర్యాటక రంగానికి ప్రసిద్ధి చెందిన ఈ దేశం ఇప్పుడు అద్దెకు భార్యలను అందించడంలో వెలుగులోకి వచ్చింది. స్థానికంగా “అద్దె భార్య” లేదా “కిరాయి భార్య” అనే ట్రెండ్పై విడుదలైన ఒక కొత్త పుస్తకం ద్వారా ఈ విషయం ఇప్పుడు బయటపడింది.
అద్దెకు అందుబాటులో భార్యలు..!
ఈ దేశం పేరు థాయిలాండ్. కొన్ని థాయ్ నగరాల్లో, ముఖ్యంగా (పట్టాయాలో) పట్టాయా అనేది థాయిలాండ్లోని ఒక తీరప్రాంత నగరం, థాయిలాండ్ గల్ఫ్ తూర్పు తీరంలో, బ్యాంకాక్కు ఆగ్నేయంగా సుమారు 100 కిలోమీటర్ల దూరంలో ఉన్న నగరమే పట్టాయా. ఇది అందమైన బీచ్లు, జల క్రీడలు, శక్తివంతమైన రాత్రి జీవితం మరియు సాంస్కృతిక ఆకర్షణలకు ప్రసిద్ధి చెందింది. ఇది థాయ్లాండ్ గల్ఫ్ ఒడ్డున ఉంది మరియు దాని ప్రపంచ ప్రసిద్ధి చెందిన “వాకింగ్ స్ట్రీట్” (Walking Street) కోసం ప్రసిద్ధి చెందింది, ఇది రాత్రి జీవితానికి కేంద్రంగా ఉంటుంది. ఇక్కడ అనేక ఆలయాలు, వినోద ఉద్యానవనాలు, సముద్రతీర రిసార్ట్లు మరియు షాపింగ్ అవకాశాలు ఉన్నాయి.
పట్టాయాలో, విదేశీ పర్యాటకులకు మహిళలు తాత్కాలికంగా భార్య పాత్ర పోషించే ధోరణి మొదలైంది. ఈ సంబంధం సాంప్రదాయ వివాహం కాదు. చట్టబద్ధంగా గుర్తించలేదు కానీ, ఇది ఒక రకమైన వ్యక్తిగత ఒప్పందం. ఇందులో స్త్రీ పర్యాటకుడి కోసం ఒక నిర్దిష్ట కాలం పాటు భార్య పాత్రను నిర్వహిస్తుంది. అంటే వంట చేయడం, కలిసి ప్రయాణించడం, అతనిని చూసుకోవడం, భాగస్వామిగా జీవించడం అన్నమాట. కాలక్రమేణా, ఇది ఒక వ్యాపారంగా పరిణామం చెందింది. చాలా మంది మహిళలు ఇష్టపూర్వకంగా పాల్గొంటున్నారు.
ఇలా ఎందుకు జరుగుతోంది?
ఆసక్తికరంగా, కొన్నిసార్లు ఈ తాత్కాలిక సంబంధాలు శాశ్వత వివాహాలకు కూడా దారితీస్తున్నాయి. అందుకే ఇప్పుడు దీనిని కేవలం సంబంధంగా కంటే వ్యాపారంగా పరిగణిస్తున్నారు. “థాయ్ టాబూ: ది రైజ్ ఆఫ్ వైఫ్ రెంటల్ ఇన్ మోడరన్ సొసైటీ” అనే పుస్తకంలో రచయిత లావెర్ట్ ఎ. ఇమ్మాన్యుయేల్ ఈ ధోరణిని లోతుగా అన్వేషిస్తున్నారు.
ఆర్థికంగా వెనుకబడిన కుటుంబాల నుండి మహిళలు అదనపు ఆదాయాన్ని సంపాదించడానికి దీన్ని ఎలా ప్రారంభించారో ఈ పుస్తకంలో వివరించారు. ఇక్కడి పేద ప్రజలలో
చాలా మంది మహిళలు బార్లు, నైట్క్లబ్లలో ఎక్కువగా పనిచేస్తుంటారు. అక్కడ వారు పర్యాటక క్లయింట్లను కలుస్తారు. వారిని ఆకర్షించేందుకు ఈ కొత్త ఒరవడికి శ్రీకారం చుట్టారని ఆ పుస్తకంలో రచయిత పేర్కొన్నారు.
అద్దె దేని ఆధారంగా నిర్ణయిస్తారు..?
ఈ సంబంధాల ధర స్త్రీ వయస్సు, అందం, విద్య, సంబంధం, పరిధి, వ్యవధి ద్వారా అద్దె నిర్ణయించడం జరుగుతుంది. కొంతమంది మహిళలను కొన్ని రోజులకే నియమిస్తారు. మరికొందరు నెలల తరబడి ఉంటారు. స్థానిక కథనాల ప్రకారం, అద్దె సుమారు $1,600 (సుమారు రూ. 1.3 లక్షలు) నుండి $116,000 (సుమారు రూ. 96 లక్షలు) వరకు ఉంటుంది. దీనిపై ఎటువంటి చట్టపరమైన పరిమితులు లేనప్పటికీ, ఇదంతా పరస్పర అంగీకారం, ప్రైవేట్ ఒప్పందం ద్వారా జరుగుతుంది కాబట్టి, ఈ సమస్య సామాజిక, నైతిక దృక్పథం కోణంలో చర్చనీయాంశంగా మారింది.
థాయ్ సమాజంలో కొత్త బంధాలు
థాయిలాండ్లో మారుతున్న జీవనశైలి కారణంగా ఈ ధోరణి వేగంగా పెరుగుతోంది. దీని ఫలితంగా ఒంటరితనం పెరిగింది. చాలా మంది ఇప్పుడు శాశ్వత సంబంధాల కంటే తాత్కాలిక సంబంధాలను ఇష్టపడుతున్నారు. థాయ్ సమాజంలో సంబంధాల పట్ల బహిరంగ వైఖరి కూడా ఈ ధోరణికి దోహదం చేస్తుంది. ‘గర్ల్ఫ్రెండ్ ఫర్ హైర్’ సేవలు ఇప్పటికే ప్రజాదరణ పొందిన జపాన్, కొరియాలోని ఇలాంటి సేవల నుండి ప్రేరణ పొందింది. థాయిలాండ్ దీనిని స్వీకరించి తన పర్యాటక పరిశ్రమలో విలీనం చేసింది.
ఈ ధోరణి వేగంగా విస్తరిస్తోందని థాయ్ ప్రభుత్వం అంగీకరించింది. తత్ఫలితంగా, ప్రభుత్వం దీనిని నియంత్రించడానికి ఒక చట్టాన్ని అమలు చేయాలని ఆలోచిస్తోంది., దీని ద్వారా ఇందులో పాల్గొన్న మహిళల భద్రత, హక్కులు కల్పించేందుకు సిద్ధమవుతోంది.